Langsung ke konten utama

3 Ngaran Kota Martapura

martapura


Assalamualaikum, apa habar pian sabarataan? Mudahan pian berataan sehat-sehatlah.


Perkenalkan dahulu, ulun Ashya beisi blog www.rizkyashya.com, mun pian kadada gawian jangan kada ingat lah mampir ke blog ulun.


Sekitar Bulan Agustus, ulun pindah tugas dari Banjarmasin ke Martapura. Sebelum ulun pindah tugas, kawan-kawan ulun bakisah kalo Kota Martapura itu Kota nang Alim banar.
 

Pas sampai di Martapura, ulun takajut-kajut soalnya apa jar kawan ulun nyata adanya kalo Martapura ini orangnya alim-alim banar. Buannya kalo bajalanan rancak basarung, babaju koko, lawan bapeci gasan nang lakian. Kalo nang biniannya babaju gamis-gamis. 


Selain alim-alim masyarakatnya, ternyata Kota Martapura memiliki ngaran lain. Kalo, pian penasaran jangan di skiplah tulisan ulun.

 

1. Kota Intan

 

Sumber : https://jateng.tribunnews.com



Bahari, asal mula Martapura jadi Kota Intan tu karena Kota Martapura menjadi tempat pengolahan dan perdagangan batu Intan atau Berlian. 

 

Berlian ini adalah hasil dari olahan intan nang masih mentah. Setelah diolah dan digosok, jadilah berlian nang cantik dan basinar. Kalo buan pian jalan-jalan ke Martapura jangan kada ingat mampir ke Pasar CBS lah, disana banyak banar buan pedagang nang bajualan berlian lawan macam-macam model dan harganya. Buan pian tinggal pilih aja mana nang buan pian handak.

 

2. Kota Santri

 

Sumber : https://www.krjogja.com



Kada cuma itu ja pang, Martapura jua punya ngaran lain yaitu Kota Santri. Martapura baisi Pondok Pesantren Darussalam nang mana pondok itu banyak malahirkan ulama dan tokoh keagamaan. 

 

Selain itu, banyak pondok-pondok pesantren nang mengikuti atau berpedoman pada kurikulum atau pola pembelajaran dari pondok pesentren itu.

 

3. Kota Serambi Mekah

 

Sumber : http://www.getborneo.com



Nang menjadikan Martapura Serambi Mekah karena Martapura punya Masjid legendaris yaitu Masjid Al Kharamah. Masjid tersebut menjadi masjid tujuan ziarah umat muslim di Kalimantan Selatan. 

 

Selain itu, Martapura jua memiliki daerah nang banama Sekumpul dimana K.H Ahmad Zaini Ghani atau nang biasa di sebut Abah Guru Sekumpul dimakamkan. 


Wahini satiap satahun sakali ada acara nang biasa disebut Haul Sekumpul dimana banyak umat muslim badatangan dari pelosok daerah gasan baziarah dan mendoakan Abah Guru Sekumpul.

 

Buan pian ada tau lagilah ngaran untuk Kota Martapura? Kalo ada, jangan kada ingat tulisakan ngarannya di komentar lah. Biar kita tau kalo Martapura baisi banyak ngaran.

 


Nah, nintu pang tulisan ulun tentang 3 Ngaran Kota Martapura. Semoga tulisan ulun bamanfaat gasan pian sabarataan.

 


Salam,
Nang Manulis: Rizky Ashyanita : www.rizkyashya.com

Nang Mangedit: Niswin niswindows.com


Label:

Komentar

  1. Ruli retno2 Desember 2020 pukul 18.04

    Bener banget, kota martapura dasar islami banar lah, makanya identik jadi kota santri wan mekkah, soalnya banyak jua buhan orang arab disana

    BalasHapus
  2. utari ninghadiyati3 Desember 2020 pukul 09.42

    Bejalan ke martapura jangan lupalah mamir ke pasarnya, nyaman melihat barang-barang nang dijual. Borong jugalah biar banyak urang tahu kayak apa bungasnya kain sasirangan.

    BalasHapus
  3. Rindang Yuliani3 Desember 2020 pukul 15.31

    Martapura memang kota religius, jadi julukan kota santri dan serambi mekah itu rasanya sangat cocok. Untuk kota intan, karena tambang dominannya adalah emas jadi wajar diberi julukan seperti itu.

    BalasHapus
  4. Antung apriana4 Desember 2020 pukul 05.57

    Hiih bujur banar Amun ke Martapura biasanya urang besinggah dulu ke pasar cbs tu gasan nukar gelang batu wan inta

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami...
17 komentar
Baca selengkapnya

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah,...
22 komentar
Baca selengkapnya

Pantai Batakan Baru

Assalamu’alaikum kekawanan seberataan. Lawas rasanya nah kada bekisahan di blog Female Blogger Banjarmasin. Nah, kali ini ulun handak bekisah tentang pengalaman bemalam di Pantai Batakan Baru. Amun urang Banjar pasti tahu lho lawan Pantai Batakan Baru ini? Pantai Batakan ini lokasinya di Desa Panyipatan di Kabupaten Tanah Laut sana. Di Kabupaten Tanah Laut ni dasarnya wadahnya wisata pantai di Kalimantan Selatan. Amun bahari tu kita tahunya pantai Takisung lawan Batakan wahini sudah banyak pantai lain yang dibuka kaya Pantai Turki dan pantai lainnya. Nah, jadi kisahnya waktu hari raya Idul Fitri semalam ulun sekeluargaan bejalanan ke Pantai Batakan. Total ada 13 urang nang tulakan. Ada yang bemobil bedempetan ada jua nang bekendaraan. Kami tulak pas hari raya kedua lebaran menurut pemerintah tu nah, pas banar lho gasan piknikan. Mulai Banjar kami tulak sekitar jam 11. Amun hari normal ke Pantai Batakan tu biasanya 2-3 jam haja kalo lah. Nah, berhubung kami tulakan pas Hari Raya, ...
2 komentar
Baca selengkapnya