Langsung ke konten utama

Lagu Kota Amuntai wan HSU Mantap

Assalamu'alaikum kakawanan barataan. Bajumpa lagi kita di postingan Banjar Corner. Mudah-mudahan bubuhan pian nang mambaca postingan ini sedang dalam keadaan sehat lahir wan batin. Aamiin.

Hari ini ulun handak mambawai bubuhan pian banyanyian dulu nah, hohoho. Ulun handak mengenalakan lagu daerah Kabupaten Hulu Sungai Utara nang judulnya Kota Amuntai lawan HSU Mantap. Adakah nang balum tahu?

Lagu Kota Amuntai ni sebujurnya lawas banar sudah ada. Matan ulun sakolah SD sekitar tahun 1996-an atau labih saku rasa ada sudah lagu ini. Penciptanya H. Anang Ardiansyah, pencipta lagu terkenal dari Kalimantan Selatan. Pasti buhan pian ingat lawan seniman Banjar nang ngini.

Bahari mun handak mandangar lagunya harus mamutar kaset nang ba pita tu di tep. Wayahini alhamdulillah kawa dah mandangar lewat YouTube. Cari haja buhan pian di Google pakai kata kunci "Lagu Kota Amuntai", banyak tu pang bemunculan lagunya dalam berbagai versi. Kalo versi favorit ulun nang bawah ini nah. Mantap ada versi EDP atawa Electronic Dance Music-nya XD


Selain lagu Kota Amuntai, Kabupaten Hulu Sungai Utara ada jua beisi lagu hanyar nang judulnya HSU Mantap. Mantap ini merupakan visi Pemerintah Kabupaten nang kepanjangannya adalah Maju, Mandiri, Sejahtera, Agamis wan Produktif. Lagu ini dicipta-akan oleh Bapak Abdul Khair wan  dinyanyiakan oleh Yohana. Satahu ulun lagu ini dirilis gasan Hari Jadi Kabupaten Hulu Sungai Utara ke-65.

Mun pian handak mandangar kayak apa lagunya, di bawah ni ada dah ulun andakakan link videonya dari YouTube. Nang pamulaan versi asli, nang kadua  versi EDP-nya.




Nah, kayapa manurut bubuhan pian? Rami lo lagunya?, hihihi. Ayuuu...bubuhan Tanjung, Paringin, Barabai, Kandangan, Rantau, Martapura, Banjarbaru, Banjarmasin, Marabahan, Pelaihari, Tanah Bumbu, Kotabaru adakah jua baisi lagu khas Kabupaten/Kota? Mun-nya ada boleh banar tulis di sini jua ღゝ◡╹)ノ♡

*** 

Nang manulis: irabooklover (www.irabooklover.com)
Nang ma-edit: Enny (www.ennyratnawati.com)
Label:

Komentar

  1. Enny Ratnawati A.9 Oktober 2019 pukul 12.31

    Balum tahu nah lagu kabupaten lain hanyar tahu amuntai n Hsu aja yg berisi lagu kebangsaan hehe...
    Segera buka utube nya biar tahu lagu ni lah buhannya. Asli seruuu..

    BalasHapus
  2. lilpjourney.com | @putriii_santoso9 Oktober 2019 pukul 15.42

    kalau Banjarmasin sepertinya ada kak, judulnya kayuh baimbai kalau nggak salah.

    BalasHapus
    Balasan
    1. Female Blogger of Banjarmasin15 Oktober 2019 pukul 13.49

      Inggih Ka, ulun pernah jua mandangar Kayuh Baimbai, cuma kada ingat lagi liriknya XD

      Hapus
  3. Ainhy Edelweiss10 Oktober 2019 pukul 13.47

    Banyak jg yah lagu2 khas BJM �� enak pula didengar, keren deh pokoknya

    BalasHapus
  4. antung apriana11 Oktober 2019 pukul 10.38

    hanyar tahu nah lagu kabupaten amuntai. aku membayangkan lagunya ni pakai logat amuntai nyanyinya. hihi

    BalasHapus
    Balasan
    1. Female Blogger of Banjarmasin15 Oktober 2019 pukul 13.50

      Inggih Ka bisa jua tu, supaya labih barasa Amuntainya jer, hihihi

      Hapus
  5. Rima Angel11 Oktober 2019 pukul 11.13

    Banjarbaru ada lagunya dan lumayan rami jua pas mendengar waktu acara.

    BalasHapus
    Balasan
    1. Female Blogger of Banjarmasin15 Oktober 2019 pukul 13.51

      Nah, ulun kada pernah mandangar lagu punya Banjarbaru. Ayuu Ka, tulis jua di sini ^^

      Hapus
  6. Rindang Yuliani11 Oktober 2019 pukul 12.55

    Hmm, kabupaten tetangga ini rupanya semakin maju. Bangga jua jadinya urang hulu sungai, meskipun begana di sebelahnya. Hehe

    BalasHapus
    Balasan
    1. Female Blogger of Banjarmasin15 Oktober 2019 pukul 13.52

      Inggih Ka, makasih, ulun sebagai urang Amuntai gen bangga basabalahan lawan kabupaten pian *eh*

      Hapus
  7. ENY KADINDA APRILYA11 Oktober 2019 pukul 18.46

    Yg versi EDP meolah penasaran bnr 😂😂 asli nah

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami...
17 komentar
Baca selengkapnya

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah,...
22 komentar
Baca selengkapnya

Pantai Batakan Baru

Assalamu’alaikum kekawanan seberataan. Lawas rasanya nah kada bekisahan di blog Female Blogger Banjarmasin. Nah, kali ini ulun handak bekisah tentang pengalaman bemalam di Pantai Batakan Baru. Amun urang Banjar pasti tahu lho lawan Pantai Batakan Baru ini? Pantai Batakan ini lokasinya di Desa Panyipatan di Kabupaten Tanah Laut sana. Di Kabupaten Tanah Laut ni dasarnya wadahnya wisata pantai di Kalimantan Selatan. Amun bahari tu kita tahunya pantai Takisung lawan Batakan wahini sudah banyak pantai lain yang dibuka kaya Pantai Turki dan pantai lainnya. Nah, jadi kisahnya waktu hari raya Idul Fitri semalam ulun sekeluargaan bejalanan ke Pantai Batakan. Total ada 13 urang nang tulakan. Ada yang bemobil bedempetan ada jua nang bekendaraan. Kami tulak pas hari raya kedua lebaran menurut pemerintah tu nah, pas banar lho gasan piknikan. Mulai Banjar kami tulak sekitar jam 11. Amun hari normal ke Pantai Batakan tu biasanya 2-3 jam haja kalo lah. Nah, berhubung kami tulakan pas Hari Raya, ...
2 komentar
Baca selengkapnya