Langsung ke konten utama

Perpustakaan Daerah Kabupaten Hulu Sungai Utara

Assalamu'alaikum kawan-kawan ulun. Salam sejahtera gasan kita sabarataan. Mudah-mudahan kita semua disehatkan badan dan dimurahkan rezekinya selalu. Aamiin.

Sebagai pembuka, ulun handak maingatakan bubuhan pian lawan kutipan dari ilmuwan terkenal Albert Einstein yang bunyinya kayak di bawah ni:

The only thing that you absolutely have to know, is the location of the library. ---Albert Einstein

Hen kira-kira pian tahu ae lo napa artinya dalam bahasa banjar, hihihi. Ujar Albert Einstein, penting bagi kita untuk mengetahui di mana andaknya perpustakaan. Nah, jadi hari ini ulun handak mamadahakan lawan pian di mana andaknya Perpustakaan Daerah Kabupaten Hulu Sungai Utara.

Perpustakaan kami ni ngaran langkapnya adalah Dinas Perpustakaan dan Kearsipan Kabupaten Hulu Sungai Utara. Lokasinya nyaman banar dicari. Bila pian ka Amuntai, cari Patung Itik legendaris maskotnya kota Amuntai tu. Parak Patung Itik tu ada bundaran kota Amuntai di muka Kantor Bupati Hulu Sungai Utara di Jalan A. Yani. Nah, habis itu pian ke arah timur beberapa ratus meter. Gedungnya ada di sebelah kanan, pas dihiga Taman Putri Junjung Buih. Gedungnya tingkat dua, warnanya habang anum kombinasi putih.


Sebelumnya ulun minta maaf, karena ulun ni urangnya panyupan, *tutupi muha lawan kakamban habang*, jadi foto-foto nang ada di sini ni ulun ambil basusupanan. Mohon maaf kalo pina ada nang kada jelas. Nang jadi modelnya gen anak kamanakan ulun, acilnya kada pe-de bafoto-foto, hihihi.

Nah kita kembali ke perpustakaan tadi. Ruang perpustakaannya ada di tingkat dua.Sebelum naik ka atas, jangan kada ingat ma andak sandal atawa sapatu bubuhan pian di tempat yang sudah disediakan.


Imbah ma andak sandal, andak pulang tas pian di lamari panitipan tas. Jangan kada ingat mangunci lamarinya supaya barang-barang kita aman. Kunci lamari panitipan ni ada kalungnya, jadi kawa kita kalungakan ka gulu supaya kada tacecer.


Nah, ini di lantai atas sudah, tepatnya di ruang baca anak. Wayahini, ruang baca anak ini sedang dalam proses pemindahan. Saat ini, ruang baca anak ni batatai andaknya lawan ruang baca dewasa. Kaena pacangan di pisah jer. Jadi ruang baca anak andaknya khusus di lantai bawah. Kada batatai lagi lawan ruang baca dewasa di lantai atas.


Nang ini ruang baca dewasa. Ruang baca dewasa ni pas banar andaknya di higa Taman Putri Junjung Buih, jadi  kita kawa jua sambil malihat pemandangan taman nan rindang dilihat dari atas. 


Selain ruang baca anak dan dewasa. Perpustakaan HSU ada jua beisi tempat baca outdoor. Jadi kita kawa mambaca sambil merasakan angin sepoi-sepoi.


Sedikit bocoran dari kaka-kaka yang bagawi di perpustakaan, kaena bulan Oktober tahun 2019 ni, perpustakaan HSU insyaAllah mengundang penulis nasional terkenal ke Amuntai. Nah, kira-kira siapa yu lah yang diundang? Nang panasaran lajui jadi anggota perpustakaan HSU. Soalnya syarat umpat acara temu penulis tu adalah mempunyai Kartu Tanda Anggota Perpustakaan Kabupaten Hulu Sungai Utara.

Nah, sekian dulu kisah ulun tentang Perpustakaan Daerah Kabupaten Hulu Sungai Utara. Perpustakaan di daerah pian pang kayak apa? Di mana andaknya? Kasi kisahakan di sini supaya kita kawa saling mangunjungi ka perpustakaan di daerah masing-masing  ｡^‿^｡


***

Penulis: irabooklover (www.irabooklover.com)
Label:

Komentar

  1. Ira25 September 2019 pukul 13.03

    Semoga Perpustakaan Daerah Kabupaten Hulu Sungai Utara ni semakin mantap lah, baik dari segi pelayanan maupun jumlah dan update-an bukunya XD

    BalasHapus
  2. Putri Santoso25 September 2019 pukul 14.11

    Waah senengnya ada cerita tentang perpustakaan. Semenjak ada smartphone, peran perputakaan digantikna dengan digital teknologi "udah tanya gugel aja".
    Semoga perpustakaan di negeri ini lebih berkembang ^^ dan peminatnya semakin banyak

    BalasHapus
  3. utari ninghadiyati25 September 2019 pukul 15.55

    Nah kalau perpustakaannya kayak gini pasti bikin betah. Sayang belum sampai amuntai. Penjelalahan di perpusda baru sampai rantau saja.siapa tau nanti bisa singgah dan duduk menikmati buki.

    BalasHapus
  4. Fatimah Aqila26 September 2019 pukul 13.33

    Wah membaca postingan mimin ni meulah ulun handak berkunjung ke perpus. Asa lawas kada ke perpus, tapi semalam pas ke perpus malah perpusnya lagi di renovasi.

    BalasHapus
  5. Cherry Rans26 September 2019 pukul 16.45

    Nambah lagi tempat wisata para kutu buku di HSU

    BalasHapus
  6. Mia26 September 2019 pukul 20.03

    Mantap perpustakaan HSU lah. Nggak kalah dengan yang di Banjarmasin & Banjarbaru. Pernah ngundang para penulis atau bikin diskusi pembaca misalnya?

    BalasHapus
    Balasan
    1. Female Blogger of Banjarmasin30 September 2019 pukul 11.41

      Diskusi pembaca bisa balum suah. Kalo ngundang penulis rasanya pernah sudah ^^

      Hapus
  7. Melisa Carollina27 September 2019 pukul 07.21

    Udah lama ga main ke perpus daerah, kadang perpus daerah gini koleksi bukunya seru-seru .. Jadi kangen main ke perpus daerahh hehe

    BalasHapus
  8. antung apriana27 September 2019 pukul 09.09

    wah jadi penasaran siapalah yang diundang ke perpustakaan daerah HSU ini? apakah Tere LIye? hihi

    BalasHapus
  9. Rima Angel27 September 2019 pukul 11.19

    Wah perpustakaannya bagus banget, ternyata di HSU perpustakaannya kece juga ya.

    BalasHapus
  10. Hairun Nisa27 September 2019 pukul 12.22

    Pas ngeliat ini, aku jadi pengen juga nulis tentang perpustakaan daerah HST ih.. Kebetulan baru aja ada renovasi.

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami...
17 komentar
Baca selengkapnya

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah,...
22 komentar
Baca selengkapnya

Pantai Batakan Baru

Assalamu’alaikum kekawanan seberataan. Lawas rasanya nah kada bekisahan di blog Female Blogger Banjarmasin. Nah, kali ini ulun handak bekisah tentang pengalaman bemalam di Pantai Batakan Baru. Amun urang Banjar pasti tahu lho lawan Pantai Batakan Baru ini? Pantai Batakan ini lokasinya di Desa Panyipatan di Kabupaten Tanah Laut sana. Di Kabupaten Tanah Laut ni dasarnya wadahnya wisata pantai di Kalimantan Selatan. Amun bahari tu kita tahunya pantai Takisung lawan Batakan wahini sudah banyak pantai lain yang dibuka kaya Pantai Turki dan pantai lainnya. Nah, jadi kisahnya waktu hari raya Idul Fitri semalam ulun sekeluargaan bejalanan ke Pantai Batakan. Total ada 13 urang nang tulakan. Ada yang bemobil bedempetan ada jua nang bekendaraan. Kami tulak pas hari raya kedua lebaran menurut pemerintah tu nah, pas banar lho gasan piknikan. Mulai Banjar kami tulak sekitar jam 11. Amun hari normal ke Pantai Batakan tu biasanya 2-3 jam haja kalo lah. Nah, berhubung kami tulakan pas Hari Raya, ...
2 komentar
Baca selengkapnya