Langsung ke konten utama

3 Danau Bungas di Banjarbaru, Kalimantan Selatan

Assalamualaikum, apa habar pian sabarataan? Mudahan pian berataan sehat lah.

Perkenalkan dahulu, ulun Ashya asli urang Jawa nang bagawi di Banjarmasin. Ulun beisi blog www.rizkyashya.com, mun pian kadada gawian jangan kada ingat lah mampir ke blog ulun.

Tulisan ulun wayahini handak membahas tentang 3 Danau Bungas di Banjarbaru. Amun buhan pian belum tahu, kawa disimak pembahasan ulun nangini.

Danau Seran


Sumber : https://blog.reservasi.com

Bahari, Danau Seran tu area tambang ampun PT Galuh Cempaka. Karena sudah kadada aktivitas tambang dan bekas tambang diganangi banyu akhirnya jadi danau. Danau Seran ni andaknya di Perumahan Fitria Residance, Jalan Guntung Manggis, Kacamatan Landasan Ulin.


Sumber : https://travelingyuk.com

Amun pian handak bamainan ka Danau Seran, pian kawa manyubarang ka pulau nang ada di tangah danau pakai klotok dan pian bayar Rp 5.000 ja per urangnya. Selain pian kawa manikmati banyu nang bening banar di danau, pian kawa jua befoto-foto. Di sana banyak sudah spot foto nang disediakan sekira pian kawa mengupload ke instagram atau social media lainnya. 

Tapi ulun bapasan gasan pian berataan, mun berkunjung ka Danau Seran ni hati-hatilah. Soalnya danaunya dalam banar sampai 30 meteran.

Danau Caramin

Sumber : https://kalsel.prokal.co

Basubalahan lawan Danau Seran ada Danau Caramin. Danau ini mahirip lawan Danau Seran yaitu bekas tambang nang diganangi banyu. Warna banyu Danau Caramin tu biru lawan hijau. Banyunya bening banar kaya caramin, makanya danau ini di ngarani Danau Caramin. Caramin di Bahasa Banjar artinya Cermin.



Sumber : https://www.hellokalsel.net

Amun pian bakunjung ke Danau Caramin, pian kawa jua naik kelotok memutari danau. Mun pian handak naik bebek pancal ada jua di Danau Caramin ini. Tiket masuk ka Danau Caramin murah banar, pian cukup bayar Rp 1.000 ja, maka pian sudah kawa meliati pemandangan di Bukit Caramin dan befoto di spot-spot foto nang instagramable.

Danau Galuh Cempaka


Sumber : http://nopatheexplorer.blogspot.com


Danau Galuh Cempaka ni gin parak banar lawan Danau Seran wan Danau Caramin. Perbedaan lawan danau lainnya tu, warna Danau Galuh Cempaka ni kada biru atawa hijau. Danau ni bewarna kuning cokelat mirip lawan warna sungai nang ada di Banjarmasin. Selain itu, mun kita naik klotok, kita kawa malihati bukit-bukit. 



Sumber : https://www.kedaiwisata.com

Amun pian handak bakunjung, ulun saranakan pian bakunjung pas kamarian. Soalnya pamandangan di Danau Galuh Cempaka ni bungas banar pas kamarian tu. Manikmati sunset kah jer urang tu sambil naik klotok. Hen, romantis banar lo, apalagi pian kasananya lawan pasangan pian, hehe.

Nah, nintu pang tulisan ulun tentang 3 Danau Bungas di Banjarbaru. Semoga pian kada bingung lagi lah mun pian handak berwisata di Kota Banjarbaru.
 
Penulis: Rizky Ashyanita @ www.rizkyashya.com
Editor  : Ira @ www.irabooklover.com
Label:

Komentar

  1. irabooklover14 Agustus 2019 pukul 12.18

    Ulun pernah ke Danau Seran, tapi masih dalam tahap pembangunan. Kadada belum kelotok lawan spot-spot fotonya. Kaena ae pulang bajalanan ke sana nah XD

    BalasHapus
    Balasan
    1. Female Blogger of Banjarmasin21 Agustus 2019 pukul 09.16

      Inggih, kaena rasai kelotok lawan spot-spot fotonya Ka lah, dijamin kada rugi ^^

      Hapus
  2. Melisa Carollina15 Agustus 2019 pukul 09.41

    Diantara ke 3 danau ini yg blm di kunjungi cuma danau galuh cempaka aja kalo yg paling enak sih tmpatny danau ceramin hehe

    BalasHapus
  3. lilpjourney.com | @putriii_santoso15 Agustus 2019 pukul 13.16

    aku udah dong ketiganya. hehehe
    ada satu lagi padahal. tp lokasinya rawan gitu dan itu danaunya biru banget

    BalasHapus
    Balasan
    1. Female Blogger of Banjarmasin21 Agustus 2019 pukul 09.18

      Alhamdulillah, mantap pian ni sudah bajalanan ketiganya XD

      Hapus
  4. Rindang Yuliani15 Agustus 2019 pukul 14.07

    Danau Caramin, aku belum pernah ke sana. Kalau dua yg lainnya sudah pernah. Memang bagus2 gitu. Padahal sebelumnya hanya merupakan kolam tambang ya.

    BalasHapus
    Balasan
    1. Female Blogger of Banjarmasin21 Agustus 2019 pukul 09.19

      Siip, mudahan pian kaena kawa jua mengunjungi Danau Caramin ^^

      Hapus
  5. Eny kadinda Aprilya16 Agustus 2019 pukul 07.27

    Ketiga danau ini sudah pernah Beratan kesana wkwkwk tapi favoritnya tetap danau seran dong

    BalasHapus
  6. Rizky Ashyanita16 Agustus 2019 pukul 09.09

    Aku nulis inj tp pernahnya baru ke danau seran huhu.
    Pengen ke Caramin, yuk kesana yuk


    Salam,

    www.rizkyashya.com

    BalasHapus
    Balasan
    1. Female Blogger of Banjarmasin21 Agustus 2019 pukul 09.20

      Ke Danau Caramin salajur ke Danau Galuh Cempaka jua kita Ka lah XD

      Hapus
  7. Khairunnisa Z Putri16 Agustus 2019 pukul 15.25

    Tiap apa apa ke danau seran wks. Handak ke danau cermin sama danau cempaka belom pernah lagi. Mdhan ada waktu kesana, skira kada tekaji habar hhahahh

    BalasHapus
    Balasan
    1. Female Blogger of Banjarmasin21 Agustus 2019 pukul 09.21

      Nah ayo, lakasi kita baimbaian ke Danau Caramin lawan Danau Galuh Cempaka XD

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami...
17 komentar
Baca selengkapnya

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah,...
22 komentar
Baca selengkapnya

Pantai Batakan Baru

Assalamu’alaikum kekawanan seberataan. Lawas rasanya nah kada bekisahan di blog Female Blogger Banjarmasin. Nah, kali ini ulun handak bekisah tentang pengalaman bemalam di Pantai Batakan Baru. Amun urang Banjar pasti tahu lho lawan Pantai Batakan Baru ini? Pantai Batakan ini lokasinya di Desa Panyipatan di Kabupaten Tanah Laut sana. Di Kabupaten Tanah Laut ni dasarnya wadahnya wisata pantai di Kalimantan Selatan. Amun bahari tu kita tahunya pantai Takisung lawan Batakan wahini sudah banyak pantai lain yang dibuka kaya Pantai Turki dan pantai lainnya. Nah, jadi kisahnya waktu hari raya Idul Fitri semalam ulun sekeluargaan bejalanan ke Pantai Batakan. Total ada 13 urang nang tulakan. Ada yang bemobil bedempetan ada jua nang bekendaraan. Kami tulak pas hari raya kedua lebaran menurut pemerintah tu nah, pas banar lho gasan piknikan. Mulai Banjar kami tulak sekitar jam 11. Amun hari normal ke Pantai Batakan tu biasanya 2-3 jam haja kalo lah. Nah, berhubung kami tulakan pas Hari Raya, ...
2 komentar
Baca selengkapnya