Langsung ke konten utama

Wadai Banjar Apam Surabi dan Lupis


Sumber gambar : http://www.masakandapurku.com

 Assalamu'alaikum, buhan kekawanan,

Apa habar bubuhan pian di penambaian bulan nih? Baik aja kalo seberataan? Kali ini ulun handak memadahakan lawan bebuhan pian wadai khas Banjar nang ulun ketujui matan bahari. Ngarannya tu Apam Surabi lawan Lupis Benyiur. Tahulah buhan pian wadai ngituh?

Biasanya apam surabi lawan lupis ni urang bajualnya di pasar tradisonal atawa di warung-warung halus. Harganya wahini biasanya 1500-an atau 2000-an, tagantung wan nang bejual ja pang lagi. Apam surabi ni banyak ngaran lainnya. Ada nang menyambatnya apam batil, apam badungkung, bisa jua apam bakuah. 

Apam surabi nih bahan dasarnya tuh gelapung baras kekawan, ai. Imbah tu dimakannya lawan lawan kuah gula habang yang cair. Nang unik dari apam surabi nih, biasanya dimasaknya di rinjing pacah lawan hangit, tapi biar dimasak di rinjing pacah tatap ai nyaman dimakan.

Sumber gambar : http://www.masakandapurku.com

Nah amun lupis bahan dasarnya lakatan alias ketan. Biasanya sebelum disajiakan masih babungkus daung pisang atau mun wahini ada jua sudah acil nang bebungkus plastik, Ngeri jua lah padahal bebungkus plastik nih? Imbah tu hanyar ditatak-tatak lupisnya, diandaki nyiur baparut, lalu dituangi gula habangnya tadi, bagoyang tu pang ilat pas mamakannya.

Sudah gin dulu lah, ulun lalu beliuran membayangkan si apam lawan lupis nih. Mudahan pian kada beliuran jua lah membayangkan manisnya si apam lawan lupis. Hihihi

Terakhir ulun handak bepantung sedikit kekawan lah,

Manapas tapasan
Banyunya barasih
Cukup sekian
Dan terima kasih

Kontributor : Admi Lidya (www.sisterinjannah.blogspot.com)
Label:

Komentar

  1. Rindang Yuliani6 April 2019 pukul 13.41

    Uma nyamannya apam surabi lawan lupis nih. Rasa manciar malihat. Juruhnya tu nah, menggiurkan banar.

    BalasHapus
  2. Sriw_sw6 April 2019 pukul 19.05

    Wew ini masih mudah di temukan di Pasar banjarbaru, hehe lawasnya kda makan apam surabi nah kuah nya harus banyak ini

    BalasHapus
  3. Latifika8 April 2019 pukul 03.44

    Olon kd ketuju surabi tapi kalo lupis umaaa kd kawa ditahaaan. Kacarrrr

    BalasHapus
  4. antung apriana8 April 2019 pukul 09.59

    ketuju keduanya ulun tu. sempat handak belajar beulah serabi ni sekalinya resep yang di internet lainan lawan serabi banjar. ahaha

    BalasHapus
  5. Aswinda Utari8 April 2019 pukul 11.20

    Ulun paling ketuju lawan lupis nih. Nyaman banarrr.. Harganya terjangkau jua. Mun sore2 dimakan sambil dudukan umaaa nyamannya..

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami
17 komentar
Baca selengkapnya

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah, mac
22 komentar
Baca selengkapnya

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami
6 komentar
Baca selengkapnya