Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗
Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah.
Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP.
Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi.
1. Hero Cafe
Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami banar urang santai kamarian sambil makan camilan. Ada banyak menu mulai nang murah haja sampai nang sadikit talarang. Ada cireng, kentang besanga, nasi basanga, mi bakuah lawan basanga dan banyak lagi nang lain.
Di mukanya jua ada “barber shop”. Wadah gasan lalakian nang handak mahandapi rambutnya. Wadahnya “instagramable” banar kah jar urang tuh. Haan. Ada nang latarnya rak buku, ada nang mirip kaya bar. Ditambah ada wifi gratis jua.
Lokasinya parak lawan SMAN 1 Barabai. Mun kasini pian bisa langsung haja becarian di Google Maps pian, ada haja tu tempatnya.
2. Ray’s Cofee
Amunnya tadi ada Hero Cafe nang pina sepalih “indoor” sapalih “outdoor”. Nah, nangini ada nang outdoor sabarataan. Andakannya strategis banar jua. Parak lawan rumah Bupati dan kantor Bupati. Pian nang kada suah kasini tinggal bajalan haja ke alun-alun. Parak banar lawan nangitu.
Ada di Ray’s ini banyak banar menu kopi. Rasuk banar tu pang lawan bubuhan pian nang katuju maminum kopi. Ulun ni kada tapi hapal pang ngaran-ngarannya. Tapi ulun rancak mamasan mie terbang, sandwich lawan spagetti di situ. Pandapat ulun, menunya nyaman haja. Ada jua menu hagan makan siang yang tamurah lagi.
Ulun samalam hanyar haja bajalanan kasana lawan kawan.
Di sini jua biasanya ada live music malam-malam atau “nonton bareng” acara bola atawa acara balap dan nang lainnya. Rami tu pang.
3. Shaza Cafe
Nah ngini parasa ulun paling hanyar nah di Barabai. Shaza Cafe ini sabujurnya penginapan jua. Jadi inya ini kafe lawan guest house sakaligus. Makanannya di sini nih kada pang amun banyak banar tapi andakannya ngini nang mambari kapingin banar. Strategis lawan apa jar urang tuh, “cozy” kah. Han....
Di sana banyak banar kakanakan muda nang meadakan acara ulang tahun atawa mancari foto hagan “online shop”-nya di kafe wan penginapan ngini. Tampatnya tu pank nang pas banar kayak nang jar urang “zaman now”.
Kabalujuran jua, ulun lawan anggota FBB asli Barabai suah jua batamuan di Shaza Cafe ini.
4. Naira Cofee & Bakery
Nang paampihan nah. Ini kada kalah strategis andakannya. Ini di pinggir jalan parak simpang ampat lampu merah nang kadua sasudah lampu merah nang di rumah sakit nitu. Nang ini kafe-nya halus haja pang tapi inya bagabung lawan nang di sabalah ngarannya Nasi Goreng Palui.
Jadi misal buhan pian duduk di Cafe Naira tapi pian handak mamasan nasi goreng di sabalah, itu bulih banar. Sama sabaliknya. Tampatnya gin manurut ulun bagus jua. Ulun lampirakan fotonya langsung.
Nang dijual dominannya kopi lawan roti. Kopinya macam-macam dan cara menyajiakannya jua macam-macam. Kita kawa mamilih. Han nyaman dan unik banar.
Nah, itu tadi pang 4 rekomendasi kafe nang musti pian kunjungi dari ulun. Amun rumah makan lain pulang lah, kaina baasa ulun tulisakan pulang. Ayu.. dilakasi bajajalanan ka Barabai!
Penulis: Eca (author www.kataeca.com)
Editor: Fika (author www.fika-su.com)
Mie terbang itu kayak apa? Penasaran karena namanya unik banget
BalasHapusMie terbang itu kayak apa? Penasaran karena namanya unik banget
BalasHapusMaitihi gambar minumannya mambarikapingin bnr. ����
BalasHapusHarga makanan dan minumannya harga urang kuta jua lah kira2?? Di wadah lun kafe2 urang2nya aja yg kawa bertahan, sebab biasanya sekali aja merasai mbah tu kd bebulik lagi sual harganya itu nah. Maklum lain yang ber-income tinggi rata2
BalasHapusWah, kada kalah Barabai ni kafenya dg yg di Bjm dan Bjb. Enak buat nongki & sesekali makan+minum dg menu yg beda dari biasa. Ya kaan..
BalasHapuslakasi nahhhh kita piknikan ke barabai..nyaman kita dibawai eca ke kafe2 tadi.rasa ngiler pagi2 membaca nya ihhh
BalasHapusUh hai banyak jua kalinya lah kafe dibarabai. Nangitu nang ngaran shaza kafe kenapa jd menyamai ngaran blog q.. Haha. Ada nang kepedean.
BalasHapusMun gasan bafoto dasar bengkeng pang yang hero cafe itu lah, tapi yang minuman di naira tu mambari kapingin jua nah. Kaina ku datangi barataan gin. Wkwkwk.. Pabila kah kesana yu
BalasHapusAsa handak tarabang ka Barabai ha nah, pina bengkeng banar Cafe nya nih. Liwar sadap jua pinanya makanannya maulah parut garurukan
BalasHapusWaaaaah, cocok banget nih ku kaishkan ke temenku. Soalnya dia baru dimutasi ke Barabai. Nice infoo :D
BalasHapusHandak minta bawai eca kena nah ke cafe-cafe ini. Padahal waktu di Barabai rancak banar meoewati ray's cafe neh tp kd temasuk jua. Hehe
BalasHapusMantap cafe di barabai, buruan ajak teman,keluarga,pasangan nya yaðŸ¤
BalasHapusRekomended boss. Caffe di area Barabai yg masih buka dimana ?
BalasHapushey
BalasHapus10 Reasons You Need an Illuminated Mirror in Your Home
BalasHapusIlluminated mirrors offer improved lighting for grooming, create ambiance, and enhance bathroom aesthetics. They are energy-efficient, amplify space, and modernize your bathroom. With customizable lighting, de-misting technology, and versatility, these mirrors also add value to your home. Discover more at this link by Tapron UK.
BalasHapusChoosing the right shower for your gold bathroom involves balancing functionality with aesthetic appeal. Options include electric, mixer, thermostatic, power, and digital showers, each with unique benefits. Consider your home's water system, space, and budget to select the ideal shower that meets your needs and complements your bathroom's style. Discover more at Gold Shower Selection Guide by Goldbathroom UK.
BalasHapusThe nickel-finished deck-mounted bath filler tap from Tapron Ireland offers a blend of antiquity and modernity. Constructed from high-quality brass, it features dual crosshead handles, a swivel spout, and ceramic disc technology. Ideal for all plumbing systems, it ensures easy maintenance and elegant appeal. Discover more at Deck Mounted Bath Filler Tap (Nickel).