Langsung ke konten utama

Sejarah Candi Agung wan Kisah Putri Junjung Buih

Sumber : kebudayaan.kemdikbud.go.id

Bisa kada banyak nang tahu pada di Kalimantan Selatan ada situs candi nang kaya di banua lain jua. Tagal kada nangkaya candi-candi nang ganal di banua lain tupang, di Kalimantan Selatan, ada sauting situs candi nang ngarannya situs Candi Agung. Nang labihnya pada candi lain, di situs Candi Agung ngini ada kisah nang tasambunyi. Kisahnya ne maanduh-anduh misra banar, mun mambayangakan, harat banar tu pang kisah ngini. Kisah nang kawa diwarisakan ka anak cucu dudi. Jangan sampai anak cucu kada tapi tahu wan kisah banua surang.

Situs Candi Agung ngini andakannya di Kabupaten Hulu Sungai Utara, di Kacamatan Amuntai Tangah, pas banar di Kalurahan Sungai Malang. Gampang banar mancari andakannya. Barataan urang di Amuntai tahu kaandakann situs candi ngintuh. Situs Candi Agung pinanya paninggalan agama Hindu pang lah. Situs candi nginih ujar habar paninggalan Karajaan bahari nang bangaran Karajaan Nagara Dipa Khuripan, dibangun ulih Empu Jatmika, sazaman wan karajaan Majapahit, parkiraan abad XIV. Tahuai kalu lah buhan pian wan karajaan Nagara Dipa. Wahini kadada lagi pang lah bangunannya. Nang tatinggal tu batu bata wara. Tagal batu batanya kada sumbarang batu bata. Tabarat wan takuat pada batu bata biasanya. Batu bata ngini umurnya 700-an tahun hudah.

Ujar kisah-kisah urang bahari, Candi Agung bahari bangunannya bagus banar, magah, miwah, tujuh tingkat, sabukuan amas. Satingkatnya tuh tinggi banar pulang han. Ada nang mamadahakan, mun badiri di tingkat paatasannya tuh, kawa malihat Makah. Han, bujur jua kah kada tahu jua pang ulun. Kisah urang bahari ah.

Wahini, situs Candi Agung dikalula, diurusi banar. nang maurusi bubuhan Dinas Kepemudaan, Olah raga wan Pariwisata HSU.

Nang kawa dijanaki di sini:

  • Musium 
  • Situs Candi Agung 
  • Partapaan Pangeran Suryanata 
  • Tihang Mahligai Putri Junjung Buih 
  • Talaga Badarah Empu Mandastana 
  • Situs Tihang Panjagaan 
  • Luuk Badangsanak 
  • Talaga Bidadari 

Kisah Putri Junjung Buih


Alkisah, Empu Jatimika, saudagar tumatan Keling, balayar. manurut patunjuk kuitannya, singgahi mun tatamu wilayah nang panas. Pas sampai di Amuntai, Empu Jatmika marasa panas, laluai basinggah. Marganya Empu Jatmika ni lainan anak katurunan raja, inya kada mambangun karajaan pang. Sampai Amuntai tadi, inya mambangun Candi, ulihnya inya saudagar atawa pedagang. Empu Jatmika bisi anak dua ikung, Empu Mandastana wan Lambung Mangkurat. Lambung Mangkurat dijadiakan Patih. 

Nah, Lambung Mangkurat ni marasa kada kawa baik amun kada bisi raja. Lalu innya batapa 40 ari 40 malam di wilayah Ulu Banyu. Inya minta wasiat, minta Raja. Pas ari paampihan, dapat patunjuk inya. Patih harus manyadiakan 40 makanan, 40 wadai, iringan dayang bababaju kuning barataan. Ada jua disiapakan mahligai nang tabuat matan tumbuhan khas, sudahnya ada jua nang mamadahi disiapakan kain nang hudah disirang. imbahnya Lalu cungul tuan putri tumatan buih atawa banyu. Liwar bungas langkar si tuan putri, nang malihat pasti bakahandak. Digalari ai Putri Junjung buih.

Empu Mandastana bisian anak, Sukmaraga wan Fatmaraga. Nang badua ngini tagasnya handak jua wan putri. Saban hari bamainan wan Putri. Lambung Mangkurat kada nyaman hati malihat. Dalam hati Lambung Mangkurat, kada cucuk lalu putri Junjung Buih nang handak dijadiakan Raja bakawanan wan anak cucu pedagang biasa.

Singkatnya, Lambung Mangkurat maatur siasat. Dibawai nang badua badangsanak tadi mancari iwaak jar. Sampai luuk, mati nang badua, tiwas di tangan paammya suraang. Ngini sampai wahini ada lukasinya, dingarani luuk badangsanak.

Ujar urang nang mayakini, karajaan nang dikisahakan tadi masihai ada hampai wayahini tagal hudah kada kawa dilihat mata kita-kita nang urang awam nginih. Bahasanya tu apalah, anu, alam urang subalah kah jar. Makanya nang datangan ka sini kadanya urang nang bawisataan ahaja, banyak jua nang datang ka sini manggawi sagala macam adat ritual nang diyakininya. umpamanya mandi di talaga bidadari dan lain-lain.
Label:

Komentar

  1. Enny Ratnawati A.27 Oktober 2018 pukul 13.38

    Rasanya suah mambaca kisah ini tapi bahari banar pas msh SD kah yo...makanya membaca lagi jd ingat lagi hehehe..btw blm pernah nah melihati candi ni.mudah2an suatu hari kawa mandatangi candi ini..

    BalasHapus
  2. Rizky Melinda31 Oktober 2018 pukul 06.57

    Pernah mendangar Candi Agung ja tapi kdtau kisah Junjung Buih nih. Rami kisahnya ih rami lagi ada filmnya bisa lah hihi..

    BalasHapus
  3. umi diwanti31 Oktober 2018 pukul 08.36

    Kada suah lagi bajanguk ka sana. Dikira ti nang ngaran candi nya tuh ada bangunannya di atasnya. Sakalainya tinggal batubata tu haja lagi lah. Mudahan kw tajalan sampai ka sana. Panasaran.

    BalasHapus
  4. Ruli retno31 Oktober 2018 pukul 08.40

    Rami sekalinya leh kisahnya, balum suah sama sekali ka amuntai nah. Pacangan handak melihat ai nah mun ada nang bagus kaini

    BalasHapus
  5. Aswinda Utari31 Oktober 2018 pukul 17.10

    Uma nang kayani kah kalinya kisahnya. Minim sejarah lalu ulun nih. Tahu ngarannya ja tapi kada tahu dikisah. Tp rs suah nah bahari membaca di buku muatan lokal SD. Ya am sdh emak2 mana pang ingat. Haha

    BalasHapus
  6. Rindang Yuliani1 November 2018 pukul 09.27

    Ulun suah ai ka sini. Paling ketuju malihati musiumnya, banyak barang antik zaman bahari. Mun di kompleks candinya, kada banyak nang kawa dilihat.

    BalasHapus
  7. Mia1 November 2018 pukul 12.53

    Situs sejarah yg cocok u.wisata edukatif. Aku haja kd suah lg bajajak kasitu... Kita kah???

    BalasHapus
  8. antung apriana1 November 2018 pukul 14.24

    ulun rasanya bahari pernah ke candi agung ni dimandii jua. heu. jadi penasaran lawan kesah putri junjung buih nya

    BalasHapus

Posting Komentar

Postingan populer dari blog ini

Wajib Dihindari, Inilah 7 Kandungan Berbahaya pada Sunscreen

Berdasarkan fungsinya, sunscreen sudah menjadi bagian penting dari deretan skincare kamu. Kulitmu akan terlindung dari sinar UVA dan UVB berkat pemakaian sunscreen . Akan tetapi, tahukah kamu jika ada kandungan berbahaya dalam sunscreen ? Mulai sekarang, selektiflah memilih sunscreen karena beberapa di antaranya bisa jadi mengandung bahan berbahaya berikut ini. Yuk, simak! 1.      Oxybenzone Oxybenzone sangat efektif melindungi kulit dari sinar UV, tetapi menyebabkan berbagai reaksi tidak bersahabat dari kulitmu. Oxybenzone menyebabkan kulit kemerahan, kering, berjerawat, dan reaksi alergi lainnya. Kandungan ini juga menembus kulit, sehingga mempermudah bahan kimia lainnya menyerap di kulit. Berdasarkan penelitian, Oxybenzone ternyata mengganggu kinerja hormon dalam tubuh, lho. Lebih dari itu, Oxybenzone juga merupakan bahan aktif yang berdasarkan penelitian juga berbahaya untuk lingkungan. Oxybenzone bisa merusak koral atau karang di laut. Bayangkan, bagaimana j...
6 komentar
Baca selengkapnya

4 Andil Blogger Perempuan dalam Meningkatkan Partisipasi Politik

Politik erat kaitannya dengan berpendapat atau menyuarakan pendapat. Bahkan, akhir-akhir ini terjadi krisis demokrasi yang mempertanyakan keadilan. Akibatnya, terdapat krisis kepercayaan dalam memilih wakil rakyat. Apakah kamu juga mengalaminya? Mulai sekarang, para pihak mulai berbenah dan banyak menyuarakan sikap politik yang baik. Salah satunya adalah blogger perempuan yang mengambil peran meningkatkan partisipasi politik. Inilah beberapa hal yang disuarakan para blogger perempuan demi meningkatnya peran masyarakat dalam politik. 1.      Jangan Golput Golput atau golongan putih adalah pihak-pihak yang tidak mau menentukan pilihan dalam pemilu. Hal ini umumnya timbul karena kekecewaan terhadap para calon wakil rakyat. Banyak janji manis dari calon wakil rakyat yang membuat banyak orang ragu dan malas memilih hingga akhirnya menempuh jalan golput. Golput ini sangat disayangkan karena hak suara seseorang tidak berfungsi. Bahkan, hal yang berbahaya adalah suara yan...
3 komentar
Baca selengkapnya

4 Cafe di Banjarmasin Nang Cocok Gasan Bagawian

Assalamualaikum, kayak apa habar pian sabarataan? Mudahan pian barataan sehat-sehatlah. Ulun Ashya, nang beisi blog www.rizkyashya.com  . Ulun handak batukar habar nah tentang café nang cocok banar gasan begawian di Banjarmasin. Siapa tau pian handak mencobai begawian di café, ulun bari rekomendasinya. Kalo pian panasaran jangan dilalui haja tulisan ulun nang ini lah. Office Coffee Ini café favorit ulun gasan begawi. Parak lawan kantor ulun, menunya lengkap mulai makanan barat sampai ringan, lawan colokannya banyak banar. Kalo ulun begawi disana, ulun pasti kada ingat diwaktu. Suah ulun bagawi dari jam 1 siang sampai 9 malam kada barasa karena tempatnya nyaman banar. Nang mungkin minus dari café ini harganya larang banar, tapi asli nyaman rasa makanannya jadi ya kaya apa am lagi harga kada kawa didustai jar urang. Alamat : Jalan M.T Haryono No 32, Banjarmasin Instagram : @office.coffee.official Harga : Rp 35.000,- sd Rp 100.000,- Kawai Kofie Nah, kalo café ini parak lawa...
4 komentar
Baca selengkapnya