Langsung ke konten utama

Postingan

Pantai Batakan Baru

Assalamu’alaikum kekawanan seberataan. Lawas rasanya nah kada bekisahan di blog Female Blogger Banjarmasin. Nah, kali ini ulun handak bekisah tentang pengalaman bemalam di Pantai Batakan Baru. Amun urang Banjar pasti tahu lho lawan Pantai Batakan Baru ini? Pantai Batakan ini lokasinya di Desa Panyipatan di Kabupaten Tanah Laut sana. Di Kabupaten Tanah Laut ni dasarnya wadahnya wisata pantai di Kalimantan Selatan. Amun bahari tu kita tahunya pantai Takisung lawan Batakan wahini sudah banyak pantai lain yang dibuka kaya Pantai Turki dan pantai lainnya. Nah, jadi kisahnya waktu hari raya Idul Fitri semalam ulun sekeluargaan bejalanan ke Pantai Batakan. Total ada 13 urang nang tulakan. Ada yang bemobil bedempetan ada jua nang bekendaraan. Kami tulak pas hari raya kedua lebaran menurut pemerintah tu nah, pas banar lho gasan piknikan. Mulai Banjar kami tulak sekitar jam 11. Amun hari normal ke Pantai Batakan tu biasanya 2-3 jam haja kalo lah. Nah, berhubung kami tulakan pas Hari Raya,
Postingan terbaru

Perbedaan Hidup di Banjarmasin dengan Palangka Raya

Halo assalamualaikum. Kali ini ulun handak bakisah tentang bagaimana kondisi diam di Palangka Raya lawan di Banjarmasin. Asal mula kenapa ulun ma ambil judul ini karena ini yang ulun rasakan. Jadi 10 bulan ulun sudah di Palangka Raya, ulun banyak banar mangalami perbedaan kehidupan. Nah bila buhan pian penasaran, silahkan disimak kisah ulun baik-baik, oke barataan. Sebelum ulun mulai menulis, tulisan ini ulun persembahkan untuk Female   B logger Banjarmasin, komunitas blogger perempuan yang paling kece, mantulita. Nah ulun sendiri berasal dari blog https://nisazet.com blogger random yang katuju menulis apa haja selama bisa jadi duit. Asek. Judul ini diambil dari founder FBB yang menyarankan ulun untuk menulis kehidupan menjadi anak kos di Palangkaraya. Buat yang penasaran langsung simak haja laaah. PERBEDAAN PALANGKARAYA DENGAN BANJARMASIN 1. Segi Waktu Bila di Banjarmasin menggunakan waktu Indonesia bagian tengah atau WITA, di Palangka Raya menggunakan waktu Indonesia bagia

4 Cafe di Banjarmasin Nang Cocok Gasan Bagawian

Assalamualaikum, kayak apa habar pian sabarataan? Mudahan pian barataan sehat-sehatlah. Ulun Ashya, nang beisi blog www.rizkyashya.com  . Ulun handak batukar habar nah tentang café nang cocok banar gasan begawian di Banjarmasin. Siapa tau pian handak mencobai begawian di café, ulun bari rekomendasinya. Kalo pian panasaran jangan dilalui haja tulisan ulun nang ini lah. Office Coffee Ini café favorit ulun gasan begawi. Parak lawan kantor ulun, menunya lengkap mulai makanan barat sampai ringan, lawan colokannya banyak banar. Kalo ulun begawi disana, ulun pasti kada ingat diwaktu. Suah ulun bagawi dari jam 1 siang sampai 9 malam kada barasa karena tempatnya nyaman banar. Nang mungkin minus dari café ini harganya larang banar, tapi asli nyaman rasa makanannya jadi ya kaya apa am lagi harga kada kawa didustai jar urang. Alamat : Jalan M.T Haryono No 32, Banjarmasin Instagram : @office.coffee.official Harga : Rp 35.000,- sd Rp 100.000,- Kawai Kofie Nah, kalo café ini parak lawan ko

Peringatan Hari Jadi Kabupaten Hulu Sungai Utara Ke-71

Assalamualaikum kakawanan barataan. Ulun handak bahabar nah bahwa bulan Mei ini, Kabupaten Hulu Sungai Utara, merayakan hari jadinya yang ke-71 tahun dengan tema "Kabul Hajat Barakat Ikhtiar Wan Tawakal".  Ulun sanang banar bila Kabupaten Hulu Sungai Utara ni ulang tahun, soalnya kami sama-sama lahir bulan Mei, jadi acara baramiannya barasa salajur maraya-akan ulang tahun ulun jua, hihihi. Hari lahirnya sabujurnya tanggal 1 Mei, tapi perayaan hari puncaknya semalam tanggal 11 Mei. Seperti tahun-tahun sebelumnya, di hari puncak ni ada acara pergelaran seni lawan kulineran gratis berupa wadai-wadai khas daerah Kalimantan Selatan di depan Kantor Bupati.  Kebetulan ulun adalah seorang ASN, dan kantor wadah ulun bagawi umpat berpartisipasi menyediakan kikicak atau hintalu karuang ngarannya mun di Banjarmasin. Kantor-kantor lain banyak jua nang umpat berpartisipasi menyediakan wadai gratis gasan masyarakat.  Ada kukuleh, ada randang, ada cincin talipuk, ada lupis,  pais waluh dan s

Bejejalanan Ke Vila Aranaway

Sebagai urang Banjar yang bediam di Gambut, ulun wahini jadi rancak bejalanan ke daerah Banjarbaru gasan membawai kanakan piknik. Soalnya di Banjarbaru wahini ada banyak banar tempat wisata gasan keluarga yang berupa tempat wisata alam. Jadi amun hari libur ulun sekeluarga bececarian wadah gasan bejalanan di Banjabaru dan sekitarnya ni. Salah satu wadah wisata yang pernah ulun datangi lawan keluarga ngarannya Villa Aranaway. Ini amun berdasarkan lokasinya andakannya di Desa Kiram Atas Kecamatan Karang Intan Kabupaten Banjar. Andakannya ni beparakan aja pang lawan wisata Kiram yang ada mesjid Bambunya tu. Beda belokan aja inya. Ulun ke Villa Aranaway ni dua kali. Pertama lawan kekawanan kantor imbah tu bebulik pulang membawai mama lawan kekanakan pas awal tahun 2022 semalam. Hibak banar urang pas kami ke sana tu. Pas jua kalo virus Corona sudah mulai berkurang penyebarannya jadinya Vila-nya sudah kawa didatangi urang banyak.  Pemandangan Vila Aranaway Amun bejalanan ke Aranaway ini kita

4 Wisata Berkonsep Hutan di Banjarbaru

Assalamualaikum, selamat pagi, napa habar buhannya berataan. Ulun tahuai pian membaca artikel ini pasti karena penasaran wan judulnya kalo leh. Atawa dipaksa kah membaca artikel ngini karena saling sayangan lawan FBB, hehehe. Nah, langsung aja lah berhubung ulun handak mangisahkan wisata hutan di kota ulun nah, Banjarbaru. 1.     Taman Hutan Hujan Tropis Indonesia Taman Hutan Hujan Tropis Indonesia (TH2TI) atau rajin disambat Tropical Rain Forest Miniature adalah salah satu hutan olahan di kota Banjarbaru nang bangunannya tepat di wilayah perkantoran Banjarbaru, jadi lokasinya parak lawan kantor Gubernur Kalimantan Selatan. Taman hutan ni luasnya 90 hektare, dibuka matan Februari 2020 gasan dikunjungi masyarakat wan turis gasan wisata di Banjarbaru. Pohon-pohonnya sudah kalihatan mulai ganal pang, hijau, maka asri banar jua. Taman Hutan Hujan Tropis Indonesia (ruliretno.com) TH2TI ngini di bangun sudah takonsep banar nang tujuannya gasan kasaimbangan alam di kota Banjarbaru. Dari 9

Jangan Kada Ingat Marasai Laksa di Banjarmasin

Laksa, kuliner Banua nang kada asing... Laksa sebujurnya lain hal nang asing bagi ‘urang Banjar’.   Meski jadi pertanyaan apakah Laksa ni kuliner khas Banjar ataukah lain tapi pas di Banua ada nang bajualan Laksa.   Biasanya kuliner nang disajikan kada Laksa haja.   Kawannya ada Surabi, Lupis, Puracit, Petah, jua Putu Mayang.   Amun mambaca ngaran-ngaran kuliner nitu pastinya kada asing kalo.   Kenapa jadi kada asing karena mun palihat ti kada hanya disajikan di Banua haja, ya kalo.  Tapi amun sudah kada awam lagi ada di Banua apalagi nang baulah dan bajual adalah urang Banjar, jadi rasa sreg haja amun kuliner Laksa menjadi kuliner Banua. Asal muasal laksa... Ulun pun masih penasaran sabujurnya, matan mana gerang Laksa ini wan kaya apa inya bisa ka Banua. Sabujurnya amun malihat aktivitas urang-urang nang katuju berkelana termasuk nang baisi keahlian bemasak pastinya kada heran pang lah, wajar haja Laksa pun bisa sampai ka Banua. Di Malaysia, Singapura, Thailand, wan Indonesia te